Den gylne spaserstokk.

Den gylne spaserstokk startar opp att onsdag 2.mai klokka 11.00. Dei som vil vere med å gå tur, møter opp på Bakk-Ola.
(Annonsen stod i Møre-Nytt i dag.)

Vellykka møte i pensjonistlaget

Det vart eit veldig kjekt møte på Kulturhuset i dag, ikkje minst takka vere Gunnar Ellingsen som viste bilde og fortalde frå Svalbard. Det var utrulig interessant og bilda var framifrå fine.
Brynhild Barstad og ein elev frå musikkskulen stod for det musikalske innslaget.
Per Endal  orienterte om turane utover sommaren og hausten. Eli Kjøde presenterte seg sjølv og heldt "Ord for dagen". I mai blir det også møte på Kulturhuset, og då håper vi på at mange yngre pensjonistar også finn vegen dit. Velkomne skal de vere.

Møte på Kulturhuset.

I dag held Ørsta pensjonistlag møte på Kulturhuset. Vi tek til klokka 16.00.
Vi har mykje godt program. Det blir også orientering om turar vi har lagt opp til sommaren og hausten 2012.
Som vanlig får vi kaffi og mat. Det blir også utlodding.
Inngangspengar er 50 kr.
Omtale og annonse stod i laurdagutgåva av Møre-Nytt.
Vi vil gjerne ha mange nye medlemmer, så det er berre å møte opp.
Alle er velkomne.

Seniorkino

I morgon, torsdag 19.april,skal vi endelig få sjå filmen "The Best Exotic Marigold Hotel ". Eg har snakka med fleire som har sett filmen og likt den godt. Dei meiner også at filmen høver best for godt vaksne folk. Men gløym ikkje at Seniorkino er for alle!

Seniorkino

På grunn av tekniske problem blei det ikkje kinoframsyning i dag, men vi vi få sjå filmen ein av første dagane. Det er berre å sjekke Møre-Nytt.

Trur filmen er verd å sjå, så eg håper mange møter fram.

The Best Exotic Marigold Hotel - 10.april klokka 13.00 på Ørsta kino

Det gikk i orden med filmen, så då får vi sjå den tysdag 10.april, slik som det var planlagt. Det kjem eit innlegg i avisa ein av dagane, så det er berre å følgje med der.

Seniorkino tysdag 10.april

Dersom det går etter planen, vil vi få sjå den engelske filmen " The Best Exotic Marigod Hotel" rett over påske. Denne filmen er så ny at den enno ikkje har hatt premiere i Norge. Nedanfor kan de lese kva filmen handlar om. Viss de synest det er rart språk, er det fordi det er ei Google-omsetjing.Håper de får med dykk det vesentlige. Sjekk Møre-Nytt for omtale og annonse.